Byggjer skulehus av tre
Tredrivar Tor Loftur Jonsson i Hordaland seier at det er aukande interesse for å byggje hus av tre i fylket, no også i nye skulehus. Onsdag 12 februar inviterar han i lag med Høgskolen i Bergen til Frokostmøte i Bergen Rådhus med dette som tema.
Denne nyheten ble publisert av: Helge Kårstad Publisert dato: 23.01.2014
![]() |
Stor aktivitet ved Ulsmåg skole i Bergen om dagen. Legg merke til teltet som omkransar bygget. Under tak får bygningsarbeidarane gode og tørre arbeidtilhøve som knapt er kjente i Bergen. Foto; Tor Loftur Jonsson |
På Frokostmøtet 12 februar vil det bli orientert om Nye Søreide barneskole i Bergen. Bygget med fleirbrukshall som stod ferdig like før jul husar 600 elevar, har passivhusstandard og er bygd med tre som hovudmateriale både i dekke, veggar og hovudkonstruksjon.
Treentusiast og distriktleiar Christian Geithus i NCC vil orientere om arbeidet som er igang på nye Ulsmåg skole i Bergen. Firmaet som har fått entreprisen skal føre opp bygget med berande massivtreveggar i gran. Elemanta blir produserte og levert av Massivlust frå Sogn, limtrekonstruksjonane av Moelven. Bygget skal stå ferdig i desember 2014.
Ola Øyen i Silvinova vil til slutt snakke om kvifor vi må byggje skulehus av massivtre, - kva det vil koste og kva som er risikoar.
Les meir om programmet for Frokostmøtet her;
https://www.bergen.kommune.no/aktuelt/tema/framtidensbyer/4086/9704/article-112464
Les meir om Ulsmåg skole her;
http://www.tu.no/bygg/2014/01/21/-dette-er-fremtidens-byggemateriale
Tekst; Helge Kårstad (48020261)