Lenker til fylkeskommunene:
Stor interesse på skogsvegsamling
Eid kommune i Sogn og Fjordane var samlingstad for skogbruket si årlege vegsamling i Norge. Heile 60 deltakarar stilte opp 3 dagar til ende.
Denne nyheten ble publisert av: Helge Kårstad Publisert dato: 17.10.2013
 |
| Skogsvegfolket fotografert ved tømmerkaia på Eid. Foto; Anders Hals |
Eid 17.okt.2013.
Skogkurs under leiing av Jan Olsen fekk verkeleg sett skogsvegar og skogleg infrastruktur på dagsorden under årets samling på Eid denne veka. Hele 60 deltakarar frå heile landet stilte opp, deriblant 20 studentar frå skogskulen på Evenstad.
Programmet var allsidig og fagleg godt lagt opp med gruppeoppgaver og befaring til veganlegg første dagen, faglege foredrag andre dagen og siste dagen demonstrasjon av ei norsk nyvinning innan taubaner i bratt terreng; Owren 350 med Prinoth Panther T8 som basmaskin. Basmaskina er beltegåande, tårnet 15 meter høgt og har med ei rekkevidde på 350 meter fått slagordet; "goes where you work & works where you go "
Det var også besøk på tømmerkaia på Eid, bygd like etter orkanen i 1992 og er proklamert som den beste tømmerkaia i Sogn og Fjordane.
Dette var ei unik skogsamling i nyare tid. At det stiller 20 studentar frå ein norsk skogskule med stor interesse for skogleg infrastruktur bør vekke oppsikt. Rett nok har Kystskogbruket med god grunn fronta behov for meir skogsvegar og ein betre samordna infrastruktur med tømmerkaier og opprusting av flaskehalsar på det offentlege vegnettet. At ungdommen tek grep og syner slik interesse for dette er både gledeleg og viktig. Norsk skogbruk treng kanskje først og fremst ungdommen, - det er nok der mykje av løysinga ligg for å oppnå reduksjonen i norske transportkostnader for tømmer.
Vi gledar oss til tida som kjem !
Tekst; Helge Kårstad