Skognæringsforum i Sogn og Fjordane legg fram optimistisk og nyskapande melding
PricewaterhouseCooopers har på oppdrag frå Sogn og Fjordane Fylkeskommune og Skognæringsforum i fylket gjennomført ein analyse i skognæringa og kome fram med ei rekkje spennande og nye tiltak.
Denne nyheten ble publisert av: Helge Kårstad Publisert dato: 08.07.2011
Verdiskapingspotensialet og tiltak i skognæringa i Sogn og Fjordane er nyleg analysert og det er føreslege konkrete tiltak for kunne oppnå dei relativt store potensiala. Dette er ein pilotstudie i regi av Skognæringsforum i Sogn og Fjordane, - finansiert av Sogn og Fjordane Fylkeskommune og Kystskogbruket.
Rådgjevingsfirmaet PricewaterhouseCoopers har stått for prosjektorganiseringa.
Faktagrunnlaget er basert på tilgjengelege analysar og rapportar, tilgjengeleg statistikk og intervju med 14 aktørar i næringa.
Blant dei mest prioriterte tiltaka er satsing på utviklingsprogram for små- og mellomstore bedrifter i skognæringa og å tilsetje ein skogkoordinator for å drive fram slike prosessar. Bildet over er frå Sunnfjord Sag i Gaular kommune.